1 Երգողների գլխաւորին Կորխի որդկանցը համար Երգ։
1 Ինչպէս որ եղջերուն փափաքում է ա ջրերի առուների, այնպէս էլ իմ անձը փափաքում է քեզ, ով Աստուած։
2 բ Իմ անձը ծարաւ է Աստուծուն՝ գ կենդանի Աստուծուն. Ե՜րբ կ’գամ եւ դ նորա երեսի առաջին կ’երեւամ։
3 ե Իմ արտասունքն ինձ հաց եղաւ ցերեկ եւ գիշեր, զ որ ինձ ամեն օր ասում են. Ո՞ւր է քո Աստուածը։
4 Ես այս բաները յիշում եւ է իմ հոգին թափում եմ ինձանում. Որ բազմութեան հետ անց կենամ ը գնամ նորանց հետ մինչեւ Աստուծոյ տունը տօնախմբող ամբոխի հետ օրհնութեան եւ գովասանութեան ձայնովը։
5 թ Ի՞նչու ես տրտում, ով իմ անձը, եւ ժ շփոթուած ես ինձանում։ ի Աստուծուն յուսացիր, որովհետեւ էլ լ կ’գոհանամ նորանից, որ իմ երեսի փրկութիւնն է։
6 Ով իմ Աստուած, իմ անձը տրտում է ինձանում. Սորա համար յիշում եմ քեզ խ Յորդանանի երկրիցը եւ ծ Հերմոնիցը եւ Փոքր սարիցը։
7 կ Անդունդն անդունդին կանչում է քո յորձանքների ձայնովը. հ քո ամեն կոհակները եւ ալիքները անց են կենում ինձ վերայ։
8 Ցերեկը Տէրը ձ պատուիրում է իր ողորմութիւնը, եւ ղ գիշերը օրհնութիւնը ինձ հետ կ’լինի. Աղօթքս դէպի կենաց Աստուածն է։
9 Ասում եմ Աստուծուն. Ով իմ Վէմ, ի՞նչու մոռացար ինձ. ճ ի՞նչու սգաւոր գնամ ես թշնամիի նեղացնելու համար։
10 Իմ ոսկորները փշրուելիս իմ թշնամիներն ինձ դեռ նախատինք էլ են տալիս եւ մ ամեն օր ինձ ասում. Թէ Ո՞ւր է քո Աստուածը։
11 Ի՞նչու ես տրտում, ով իմ անձը, յ ի՞նչու ես շփոթուած ինձանում. Աստուծուն յուսացիր. Որովհետեւ էլ կ’գոհանամ նորանից, որ իմ երեսի փրկութիւնն եւ իմ Աստուածն է։
Սաղմոս 42